🌀ကညာစင်မာရီယာကိုကက်သလစ်ဘာသာဝင်တွေကဘာကြောင့် သဒ္ဓါကြည်ညိုကြရတာလဲ။ရိုးစင်းတဲ့အကြောင်းပြချက် သုံးခုရှိပါတယ်။

🔵(က)ရွေးချယ်ခံရခြင်း

ကယ်တင်ခြင်းသမိုင်းရဲ့တစ်စိတ်တစ်ဒေသအဖြစ်

မာရီယာက ဘုရားသခင်ရဲ့ရွေးချယ်ခြင်းကိုခံရတယ်။

ပုံမှန်ဖြစ်နေကျ မိခင်ဘဝသက်တာမျိုးမဟုတ်ဘဲ

မာရီယာ မမွေးဖွားမီကတည်းက 

အပြစ်နဲ့ကင်းစင်အောင် အပြစ်မဲ့သန္ဓေယူစေခဲ့တယ်။

ကောင်းချီးမင်္ဂလာပေးသနားခဲ့တယ်။

ဘုရားကိန်းဝပ်စံပယ်မယ့်ဗိမာန်တော်၊

ကိုယ်တော်မြတ်ကျောင်းဆောင်ဖြစ်လာမယ့်

သားတော်ယေဇူး မွေးဖွားမယ့်

မာရီယာရဲ့ခန္ဓာတော်၊ သူမ ဘဝတစ်ခုလုံးကို

အကောင်းဆုံးစီမံပြုလုပ်ကောင်းချီးပေးထားခဲ့တယ်။

ဒီထက်မြင့်မြတ်ဂုဏ်ယူဖွယ်ကောင်းတဲ့အရာ

မရှိတော့ပါဘူး။

🔵(ခ)ပူဆွေးသောကရောက်ရခြင်း

လူသားတွေထဲကမှ မာရီယာရဲ့ဘဝက

အမြင့်မြတ်ဆုံးသောအရာကို

ပိုင်ဆိုင်ခွင့်ရခဲ့တယ်ဆိုပေမယ့်

ကြီးမားတဲ့နာကျင်မှု၊ ပူဆွေးသောကတွေ

တပွေ့တပိုက်နဲ့ဘဝသက်တာကို ရှင်သန်ခဲ့ရတာပါ။

သိကြားမင်းဂါဗြဲအဲလ်ကတစ်ဆင့်

ဘုရားသခင်ရဲ့ဖိတ်ခေါ်သံ(အလိုတော်)ကို

"အမိန့်တော်အတိုင်းဖြစ်ပါစေ" လို့

ဆိုလိုက်ကတည်းက 

သားတော်ယေဇူးကို သန္ဓေယူချိန်ကစလို့

လက်ဝါးကပ်တိုင်ပေါ်အသေခံပြီး

သဂြိုလ်ရတဲ့အထိတိုင်အောင်

သားတော်ယေဇူးနဲ့အနီးကပ်

ပူဆွေးသောကဒုက္ခမျိုးစုံကို 

သူမ ကြုံတွေ့ရင်ဆိုင်ခဲ့ရတယ်။

🔵(ဂ)မာရီယာရဲ့ဆုတောင်းပေးခြင်း

မာရီယာက လူသားတွေအတွက်

ကြားဝင်ဖျန်ဖြေဆုတောင်းပေးတဲ့သူ။

ကာနန်လက်ထပ်ပွဲပုံဥပမာကိုကြည့်။

အသင်းတော်က အသိအမှတ်ပြုလက်ခံတဲ့

သူမရဲ့ထင်ရှားပြသခြင်းတွေကြောင့်လဲ

မာရီယာရဲ့အရေးပါမှုက

ဒီနေ့ခေတ်တိုင် ပေါ်လွင်နေတာတွေ့ရတယ်။

တကယ်တော့ သူမက

ဘုရားရဲ့မယ်တော်ပဲ မဟုတ်လား။

သူမရဲ့ဆုတောင်းပေးမှုကို အလေးထားပြီး

သူမပေါ် သဒ္ဓါကြည်ညိုခြင်းက

သားတော်ယေဇူးကို 

ပိုမိုချစ်ခင်ယုံကြည်လာဖို့အတွက်ပါပဲ။

#သည်းနယူး

#ဘာကြောင့်သဒ္ဓါကြည်ညိုလဲ

#၉ဖေဖော်ဝါရီ၂၀၂၄