#ဖူးမျှော်ခွင့်ပေးပါ

🌀ဘုန်းတော်ကြီ Silvanus Razzi ပြောပြတဲ့

မယ်တော့်အပေါ်အထူးသဒ္ဓါကြည်ညိုမှုရှိတဲ့

လူငယ်လေးတစ်ယောက်အကြောင်း။

သူက မယ်တော့်ရဲ့တန်ခိုးလက္ခဏာ၊ 

အိပ်မက်ရူပါရုံနဲ့

ထင်ရှားပြတဲ့အကြောင်းတွေ

မကြာခဏ ကြားရဖတ်ရဖန်များတော့

မယ်တော့်ကို တွေ့ချင်ဇောကြီးနေခဲ့တယ်။

🌀ဒီလိုနဲ့ 

စိပ်ပုတီးစိပ်တိုင်း မယ်တော့်ကို

ဖူးမြင်ခွင့်ရဖို့ စတင်တောင်းလျှောက်တော့တယ်။

မယ်တော်သခင်မက သိကြားတမန်ကို

စေလွှတ်ပြီး အမေ့ကိုဖူးမြင်ခွင့်ရပြီးပြီဆိုရင်

မျက်စိနှစ်ဖက်လုံးကွယ်သွားမှာဖြစ်ကြောင်း

ပြောပြခိုင်းတယ်။

ဘာပဲဖြစ်ဖြစ် တွေ့ပါ့မယ်လို့ သူဆုံးဖြတ်တယ်။

မယ်တော်ချိန်းချက်ထားတဲ့နေ့မှာ

ထင်ရှားပြပြီး လူငယ်လေးကို

မြင်တွေ့ဖူးမျှော်စေခဲ့တယ်။

လူငယ်လေးက မျက်စိတစ်ဖက်အုပ်ပြီး

မယ်တော့်ရဲ့ကြည်ညိုစရာ၊

လှပလွန်းတဲ့ရုပ်အဆင်းသဏ္ဍာန်ကို

ငေးမောကြည့်ရှူပြီး စိတ်ကြည်နူးချမ်းမြေ့သွားရတယ်။

🌀သူ့ရဲ့မျက်စိတစ်ဖက်ကွယ်သွားခဲ့ရပေမယ့်

ကျေနပ်အားရမှုအပြည့်နဲ့

နောက်တစ်ခါထပ်တွေ့ဖို့ကိုတောင်

စိတ်အလိုဆန္ဒပြင်းပြနေခဲ့သေးတယ်။

ကျန်မျက်စိတစ်ဖက်ပါ ကွယ်သွားမယ်မှန်းသိပေမယ့်

မယ်တော့်ကို နောက်ထပ်တစ်ကြိမ်

ဖူးမျှော်ခွင့်ရဖို့ ပြန်တောင်းဆိုတယ်။

မယ်တော့်ကိုချစ်တဲ့စိတ်က 

သူ့ရဲ့စက္ခုအာရုံအမြင်တွေကိုတောင်

ဆုံးရှုံးသွားရပါစေ...

ကျေနပ်အားရဝမ်းမြောက်ပြီး

ဂုဏ်ယူဝင့်ကြွားနေဦးမှာပါပဲ။

🌀သူ့ရဲ့ပြင်းပြတဲ့ဆန္ဒ၊

မယ်တော့်အပေါ်အထူးသဒ္ဓါကြည်ညိုမှုရှိခြင်းတွေကြောင့်

ဒုတိယအကြိမ် မယ်တော်ထင်ရှားပြတဲ့ချိန်မှာတော့

သူ့ရဲ့ကွယ်နေတဲ့မျက်စိတစ်လုံးပါ

ပြန်မြင်ခွင့်ရခဲ့ပါတော့တယ်။

ကြင်နာသနားတတ်တဲ့မယ်တော်က

ဘယ်တော့မှ မရက်စက်တတ်ဘူးဆိုတာ

သူ့ဘဝနဲ့ သက်သေခံကြွေးကြော်နိုင်ခဲ့ပါတယ်။

*St.Aphonsus Liguori ရေးသားသော

"The Glories of Mary" စာအုပ်မှ

ထုတ်နုတ်ဘာသာပြန်ထားပါသည်။

#သည်းနယူး

#ဖူးမျှော်ခွင့်ပေးပါ

#၁၂ဇန်နဝါရီ၂၀၂၄